بعض القصايد تلوي اعناقنا لي
بين الجبال اندور اللي [ نحتها ]
ولا بعضها اقول : / لو انها لي
في ذمتي ماسجل اسمي تحتها
وبعض البيوت ان قيلت افواحدٍ عي
افعوله اسمان البيوت اذبحتها
من دون وجهه كل مداته شوي
يبا يعلي قيمته و طرحتها
وبعض الهجوس ابكار عن سكة الغي
[ مزيونةٍ ] ماكل عين لمحتها
في قولها فتنه وفي وجهها ضي
اوصافها يم القلوب نفحتها
ان كان ماتطلع اليا قلتها زي
ابيوت [ ابن جدلان ] وش مصلحتها
اباتشي مافوقها الا : مظلي
عن وجه الارض اتقلها مروحتها
هذي لها شيخ ٍ كما حاتم الطي
مواقفه كل الرجال مدحتها
عارف ابن عادل مانعدم وهو حي
كم طالةٍ متصدرٍ لا يحتها
لا زالت افعوله كما المهرة اللي
داست على روس العدا وشقحتها
فايز سراحان الثبيتي
ليست هناك تعليقات:
إرسال تعليق