مرحبا والعز والمجد لثبيت عضدا
مايخلد ذكر الابطال غير فعولها
مرحبا في حلة اللي على الجوزا بدا
شيخ عز ٍ يعشق الاوله وينولها
باسمه ارحب وشعري على دربه شدا
حلةٍ من طيب راسه يطيب نزولها
مرحبا ترحيبةٍ كنها ورد الهدا
عطرها يبقى شهاده على محصولها
بعدها جاك الخبر جاك والعلم ابتدا
شاعرٍ قامت بيوتي تشــد حيولها
هاجسي له كم ليله فصدري ماهدا
ويش اسوي والحميا هذا مفعولها
من فعول ثبيت ربعي على طول المدا
والله ان مهار فكري تدق حجولها
الكرم مابينهم صارله صوت وصدا
ينطح جبال السراه ويزل سهولها
والجمايل كلها صوب فـ دروب القدا
الكريم اليا بغاها يداه تطولها
والبخيل ايشوفها اكبر مشاريه الردا
عملةٍ ماهي بحوله ولاهو حولها
دونها تتعب عزومه وهو ماله جدا
مالها من سادة القوم غير زحولها
كل بيت في عطيه بن مساعد فدا
واحد ٍ يستاهل ( ونعم ) يوم نقولها
خاطره غيث المسايير وكفوفه ندا
دونه كبار الهقاوي تعن خيولها
من زحول الاد قسور مقابيس العدا
محزمي يوم الحرايب تدن. طبولها
كحل من تاهت عيونه ف دربه واحتدا
عون من عجزت جماله تشيل حمولها
عز من راحت ظنونه من زنوده سدا
ماتجي فزعتهم الا بحسب اوصولها
حدنا اللي ماعرف هيبته غير حددا
ولا جهل عزه من القوم غير خبولها
عزوتي باب الحجاز وملبية الندا
طيب راسي يوم الايام يدرج دولها
مالنا حقٍ مشرع من يداهم غدا
خصمهم تغدي به ام الشقاء فـحثولها
والختام ازكى صلاة على وحي الهدى
الشفيع اللي رقى بامته وعقولها
شعر / فايز سراحان الثبيتي
ليست هناك تعليقات:
إرسال تعليق