لنا ياعتيبه خمسة اعوام ولا زود
نسوق الاصايل للحرايب ونفقدها
لامن الحمايا خلت الصادرات ورود
وقام المداحم بالمناكب يوردها
اليا ما وقفنا دونها الماقف المشهود
خساره لها اطيب خيلنا يوم نحشدها
وهذا السنه لو دونها النار والبارود
نبا نكسر عزوم العداء وانتوسدها
لنا حاجةٍ في ابو ضبي دربها مقعود
لكن السباع الضاريه دون مقصدها
وتكفون ياربعي ترا للفعول شهود
تشوش القبايل للمفاخر وتحصدها
ماهي والله لحانا اليا حك عود بعود
نسوق العباير والحسوف نتكبدها
عتيبه عتيبه لا بدا للزمان عضود
وعود على سود الحجاجين يعقدها
لها وقفةٍ ترجح بها كفة المضهود
وعلى قمة الامجاد تفرض تواجدها
عسى البندق اللي ينشب فحلقها العبرود
ماتحسب لنا بين الرجال نتقلدها
عتيبه عتيبه ماورا العاديات قعود
وكبار العزاوي جالها اللي يرددها
يامستور عز الله بديت ورقيت سنود
ومعك لابةٍ ما ينقص الكيل واحدها
قبيلة وفا من دونها تبذل المجهود
وقد قال الاول خادم القوم سيدها
فايز سراحان الثبيتي
ليست هناك تعليقات:
إرسال تعليق