ياوجودي وجد من سيق للحد الرهيف
اعتزىٰ بشيوخ ربعه ولحقهم / ( افا )
تدحمه سود المشاريه فاليوم القصيف
يم وجه السيف الاملح وخصمه ماعفا
من بعد ماكان راسه كما الضلع المنيف
نكسه من دون وجهه ماهي حذفة قفى
وجد من لحقته الايام بالحمل الكليف
تبدي الشمسين لا ذاق زاد ولاغفا
لين قفى عن عياله وهو عودٍ كفيف
الوكاد انه تجود في دمعه وانكفى
الفقر في ســــود الايام للغربه رديف.
يلتحف برد العقارب على صم الصفى
وجد من علق مصيره على قمة جنيف
لين شاف اصحابه البيض وعداه حلفا
مابقى الا دمه اللي تعب منه الرصيف
واليدين اللي من الجور ماقالت كفى
الربيع ابطى وهو يجمع اوراق الخريف
واخر جروحه كما اول جروحه ماشفا
اتوجد والحق الحيف له عشرين حيف
واحدٍ ماشفت من رفقته غير الوفاء
واوجودي كثر ماني من اظروفي معيف
وكثر ما يلحقني الوصل والحقه الجفا
علموه اني على شوفته نفسي تهيف
وان يحداني عنه طول ميقاف وحفا
فايز سراحان الثبيتي
ليست هناك تعليقات:
إرسال تعليق