جرح الخواطر ماهو الجرح الاليم
لانك تبا تنساه بكره والسلاااااام
مير البلا لا جتك ضربه فالصميم
وانته على طاعه وخلق الله صيام.
تحذر عدوك والحذر قلبه غشيم
يلبس المقفي ثياب الاتهام
كم من صديق قدره فقلبك مقيم
قفى وجاتك ضربته تحت الحزام.
اعيوننا تبكي على المجد القديم.
واجروحنا تنزف لها ستين عام.
ادموعنا اكثر من مشاريه اليتيمو
رحنا نبيع الفعل في سوق الكلام
كم دمعةٍ مابين زمزم والحطيم
طاحت على ذنب تحت جنح الظلام
سوالف العشاق فالليل البهيم
حرام لو الحب مايعرف حرام
اليا هداك الله صراطٍ مستقيم
فانته خذيت من العمر ذروة سنام
هذا هو الانجاز والله العظيم
لو ماتحصل لا شراب ولا طعام
واللي خفاه من الهوى ماهو سليم
يبا يشوف الذل بعيونه تمام
مايكسر قلوب الرجال الا الحريم
وكسر القلوب اشد من كسر العظام.
شاعر ولاادري فأي وادي قمت اهيم
بس المهم اني كسبت الاهتمام
احيان انوش الجرح لين ابرك واحيم
واحيان امشيها على عكس النظام.
البارحه دورت لجروحي غريم.
ماهو من اجل العفو لاجل الانتقام
لقيتني مخطي خطا جداً وخيم
وليته خطا واحد واعديه الملام
اول خطااني كنت في حساسي كريم
لين انتثر وجهي ورى عظة بهام !
وثاني خطا اني صادق فوجه اللئيم
اقلطه صدري وهو ابن حرام !!
وثالث خطا اني لاعشقت عيون ريم
اغلي لها دمي. واقهويها. غرام
ورابع خطا اني لا رحلت ارجع واقيم
اسامح وجعل التسامح. للرحام
واليوم ماحصلت لاوجاعي نديم
لين اعتزلت النور وادمنت. الظلام
يعني شموخي وانكساري سيم سيم
رغم اعتزازي بالخوال. وبالعمام
فايز سراحان الثبيتي
ليست هناك تعليقات:
إرسال تعليق