الهجوس اليا ارزمت مثل حنان الدبا
لابغاها قاصر الحيل ناش اللي يبي
صيدته مضمونه اليا مشى ولا حبا
هينه ماهي بصيدي ولاهي مكسبي
ولا انا اورد هجوسي على قمة سبأ
ماتجي. لن قالها ربي الا بطلبي
ديرةٍ ماداجها الا الجوازي والضبا
غير عودٍ يذكرونه مع الناس اكلبي
والولد لن ما وقف دون ربعه وش يبا
للمواقف هيةٍ ماحماها الا صبي
الكفو يستاهل المدح واللاش يهبا
مايسخر له ابيوت القصيد الا غبي
جيت امثل. لي قبيله واقدم مرحبا
مرحبا ترحيبة اهل المدينه بالنبي
ضيفنا نسكب له الكيف وانقله جبا
مرحبا بشيوخ ربعي فخر جدي وابي
عند ابو نايف ليا زبد السيل وربا
سعد من قال استريحوا حمود معزبي
باسم ابو ناصر حضرنا عواني وانسبا
من زبن في حلة ثبيت ماهو باجنبي
ياقف الدكتور دون العوالي والصبا
درع جنبي فالمواقف وسطوة منكبي
مدته حرش العراقيب مع حلو النبا
فعله يذكرني عيال زايد في دبي
وحنا الاد مروّح اليا عصى العاصي وابا
قبل لا نكسر شداده نلحفه العبي
والمناصير العوارف مشايخ واودباء
ياحروف المجد عن سادة القوم اكتبي
ربعي ثبيت العريقه ولا فيها غبا
في شداد المجد الاول تربع منسبي
مرجع الهيلا اليا فارق السيف الخبا
قبل فارس بكر يذبح كليب التغلبي
والقبايل مجدها مانعرضه الوبا
قدرها محفوظ في سد دقني وشنبي
فايز سراحان الثبيتي
ليست هناك تعليقات:
إرسال تعليق