الهاجس اللي له من الوقت مخلاب
قنعان راسه من غنايم كفوفه
ياما بدا للنادره كل مرقاب
واشتالها من كل فجٍ يحوفه
واليوم مايارد على كل مشراب
عينه لها جفوه ونفسه عيوفه
ماهو مضريها على صكة الباب
له بصمةٍ لو قلدوه معروفه
في شرهة الرفقه مؤلف له كتاب
من عمره الفايت تسجل حروفه
هاك الكتاب اللي على ستة ابواب
من لا عرفها بشره بالحسوفه
تدري متى الضيقه تعيفك الاصحاب
لاشفت شرهتهم عليك محذوفه
وتدري متى تجبر على مسك الاعصاب
لاجار من سجل عليك معروفه
وتدري متى تقفي وخاطرك ماطاب
اليا صفا حيّك وشانت ظروفه
وتدري متى يرويك من سمه الداب
لاشفت روحك للفراق معسوفه
وتدري متى تحسب لوقفاتك حساب
لا رحت في طرقه ماهي بمخلوفه
وتدري متى ودك تعزوى بالاجناب
لا بار ابن. عمك وعينك تشوفه
فايز سراحان الثبيتي
ليست هناك تعليقات:
إرسال تعليق