انا ازريت في حظٍ قسمه الزمن نصفين
غدا كنه ايام العطف تالي الزبره
اخطاها الربيع وخمها الصيف بالثنتين
وانا في طريقه كني السلك فالابره
وش اقول يحظ الشقى وابتدي من وين
اخاف ان زعجت الصوت تخنقني العبره
ابقدم اله العذر دامه من الحيين
ولن مات فانا اخذت من موتته عبره
على كثر ماحده على ذبحة السكين
ماحصلت فالاصحاب منهو صبر صبره
ولا قد تعذر عن خطا غيره المسكين
من اول حياته لين عاده هذا كبره
لو انه بعد مازاد حمله برك فالطين
بعد. نوةٍ هلت بماها. على عبره
لكن الخطأ مني وانا اسوقه من سنين
احده على صكات الايام واختبره
اليا قامت الافكار تلعب على الحبلين
وجاء من حذفها في صفى مالها دبره
اعذل على نفسي الياقلت حظي شين
لو الحظ ماله ذنب سابق ولاخبره
اليا كبرت الشرهه على ربعي. الادنين
نقل معوله قدام اجيه وحفر قبره
ولن مالقيت العذر لاصحابي الغالين
فلا شوف بعيوني خطاهم ولا اعتبره
احمّل على ظهره خطاهم وهم معفين
ولو ان بعظهم فالخطا ماقصر شبره
هذا علموه انه. بعد وحده ☝️وثننين✌️
يعوذ من الشيطان ماني على خبره
فايز سراحان الثبيتي
ليست هناك تعليقات:
إرسال تعليق