انـا مـن بـعـد ماشـفـت مـاصـدق الامـثـال
وياجعلها وجـهة نـظــر تـبــري الـذمــه
ياكم طاح في بطون الاشاعيب من رجال
وياكم داج فـي روس المراقيـب مــن رمــه
وياكـم عقـبـوا يمـنـاي صبـابـة الفنـجـال
وانا مــاوردت الا عـلـى صـافـي الجـمـه
ماهو نقـص فيـه ميـر خسـه مـن الانـذال
على شـان احـول كـل مابـدي علـى قـمـه
ياليت الـردي تقطـع عنـه خدمـة الارسـال
على شان لا جـت حاجتـه مابلـش بهمـه
اليا حول ابهامـي علـى شاشـة الجـوال
وقمت اتـــردد واخـطــي الـرقــم واخـمــه
حدانـي عليهـم وقـتـي وحـظـي البـطـال
وانا اقول سـيـل يـجـرح الضـلـع ويـدمـه
لكني تعبـت مـن المجامـل وصبـري طـال
ياليت الــردي يفـنـى ويبـقـى ولــد عـمـه
وانا خابر انه في جنوب الرجال رجال
فزوع الشدايد لا رثع بارد الهمه
لهم وقفةٍ فنيوا على شانها الابطال
يوم ان الردي يفنى. ولا فورت دمه
فايز سراحان الثبيتي
ليست هناك تعليقات:
إرسال تعليق