على طاري ملامحكك الحزينه ليتنا اغراب
تعبت اشوفگ بعين الغلا واصير متغابي
ماعاد الليل يطرب من سوالفنا لأنه شاب
ولاعاد الصبح يجمعنا لأنه صار متصابي
توسدت الهدوء وقمت انوخ للضجيج ركاب
وانا اللي كل ذرات الوله تستوطن اعصابي
امني كل حلم يمرني بمصافح الغيّاب
ويطيح الليل كله من سوالفهم على اهدابي
على نبض الثواني كل صوت يمرني بعتاب
واخاف من الحروف الابجديه لا تعزوابي
على جمر الحنين اركض وراها لين دمي ذاب
لهاگ العابرين اللي عطرهم بلل ثيابي
لو اني كل مامرتني الذكرى قفلت الباب
ماقمت ادور فـ كل الوجيه عيون لاحبابي
ليا قامت تغادرني ملامحهم بدون اسباب
لقيت فكل نبض بــ داخلي حلم يتلوابي
فايز سراحان الثبيتي
ليست هناك تعليقات:
إرسال تعليق