ابـتـدي بـســم الله الـرحـمـن والـهـقـوه كـبـيـره
مبتديها بـالـســلام ورحــمــة الله وبـركــاتــه
احتزم ياهاجسي من عرف وقدح من بصيره
دون وجهي كل مايطـري علـى خاطـرك هاتـه
خابـرك مانتـه مضرينـي علـى مــده قصـيـره
الوكاد انـك تـذر الكحـل فـي عيـون الشمـاتـه
فــي نـهـار لــن تـعـدى مايـعـوض فـيـه غـيـره
من تـعـذر دون ميقـافـه يـعــود مـــع خـواتــه
مرحبـا بضيوفنـا اللـي شرفـوا مـن كـل ديــره
مرحبا ترحيبـة ٍ قبـل يجيـنـا الضـيـف جـاتـه
باسمي ارحب بهذا الحفل واضيوفـه واميـره
وباسم نايف بن مليحان اثني الترحيب ذاته
مرحبا باسم الرجال اللـي لهـم فالمجـد سيـره
عزوة الاد الـمــروح مـحــزم ثـبـيـت وعـصـاتـه
فعلهـم قانـون يـوم السـيـف مايـالـف جفـيـره
يوم فقر العبد فـي ساعـه وفـي ساعـه غناتـه
الـمــواقــف ثـابــتــه ولا الـلـيـالــي مـتـسـديــره
ثابتين ويـشـهـد الـتـاريـخ وتـسـجـل رواتـــه
نحمد الله يـوم شـع النـور فـي شبـه الجزيـره
وانقشع عـنـا ظــلام اللـيـل وانشـقـت عبـاتـه
يـوم وحدهـا معـزي بالسيـوف اللـي شطيـرخ
الله انـــه يـرحـمـه فـالـنـاس يـاكـثـر حسـنـاتـه
وانهجوا بعـده عيالـه نهجـه وسـاروا مسيـره
قبلهم كم شيـخ قـوم موتـه اطيـب مـن حياتـه
سـيـدي يـاخـادم البيتـيـن يـاصـاف السـريـه
ياسمي الجود ياوجه الكـرم يـا أنبـل صفاتـه
المخـايـل فــي قـدومـك سيلـهـا يـطـرب هـديـره
اروت الحـزم البـراح وقـدت الضلـع وحصـاتـه
مابـقـى للـخـوف قـلـب ٍ يسكـنـه ويــدق زيــره
ولا بـقـى للـجـوع غـيـر الـلـي يكـفـر سيـئـاتـه
بعـد جـاء للفقـر مـن خـلـى يديـنـه فالجبـيـره
واليتيم الـلـي مــن اول مايـبـات اللـيـل بـاتـه
يحتفل بك شعبك اللي بايعك واعلـن مصيـره
يوم باقيت الشعوب الها على الظلـم التفاتـه
والله انـــا مايـغـيـرنـا الــزمــن شــــره وخــيــره
والله انا درعـكـم فــي وجــه الارهــاب ودعـاتـه
لـو نسـوق ارواحنـا مـن دونكـم ماهـي كثيـره
الوطن هــــذا وطــنــا كـلـنــا وانــتــم ولاتــــه
ماسمحنـا للعمـى فـي دربنـا يشعـب بعـيـره
وان رمـــاه الله فــقــد قــــدر عــــلاه الله وفــاتــه
خاب ظن الجاهل اللي خـان مبـداه وضميـره
يحسبنه يـقـدر ايـزعــزع ولانـــا فـــي قـنـاتـه
مـادرى انـا دون حـدان الـوطـن نــار وذخـيـره
سود الله وجهـه ووجـه الــذي ســوى سـواتـه
فايز سراحان الثبيتي
ليست هناك تعليقات:
إرسال تعليق