الهاجس اللي قام في صدري يحوف ويلتوي
لين اعتلى مرقابه الايسر كمى الذيب وعوىٰ
عز الله انه مابداه الا على علم ٍ قوي
يالله تجملني وتشرح خاطري فيما نوىٰ
من دون ربعي كان ماجبت القصيد النخبوي
ولا غسلت يداي عن نظم القصيد وماحوىٰ
في ليلةٍ منها مقابيل الليالي ترتوي
يوم ان ربي جاب الاد ثبيت فالماقف سوا
عيد الحجاز اللي يبا يبقى صداه المعنوي
علامة شموخ الجبال الشٌم عن صفق الهوىٰ
اثبيت ربعي سادة التاريخ لامنه روي
عوق الضعيف اللي يبا شقرة عصاهم ما قوىٰ
ما ينكر افعول الرجال الا الغشيم الفوضوي
لو ينطق التاريخ عنا قال له مالك لوا
لكن من دونه صقور ثبيت زاوينه زوي
ولاهو مغير فالحقايق لن سرح ولا ضوىٰ
اثبيت ريف الضيف ستر الجار مزبان الخوي
سقم العدو اللي ماصدر نارهم لين اكتوىٰ
مرسى جبال عتيبه اللي من زبنها ماغوي
ومنشىٰ المزون اللي تحتها نجد بالدم ارتوىٰ
لاثارت الهيّه وجا صنع الفرنج الها دوي
جرحٍ يزيدونه وجرحٍ له من يداهم دوا
هاكــ النهار اللي من صدوفه حجاجه منطوي
يرقون يوم ان الغشيم اللي يعارضهم هوىٰ
واليوم من فضل الكريم اصحاب واخوان وذوي
في ظل حكم آبن سعود اللي على الحكم استوىٰ
في رقابنا بيعة ولاء من دونها الدم حموي
نحمىٰ الوطن ونذود عن عرضه ولو طال النوىٰ
في خدمة الدين وهل التوحيد والنهج السوي
تلقى عيال ثبيت وزعتهم على اعلى مستوىٰ
حزنا علوم الهندسه والطب والدم بدوي
تلقى ولدنا للوطن جندي وشايبنا لوا
شعر / فايز بن سراحان الثبيتي
ليست هناك تعليقات:
إرسال تعليق