يابعـــــيد الهقاوي لوحت بالكفوف
من نهار الخميس وشمسها غاربه
عيطموسٍ تعشتني وراها الحسوف
بنت عودٍ على الكرمه نبت شاربه
والله اني عليها احن وارزم والوف
حنة ام الحوار اللي عثى الطار به
كني الفارس اللي طاح بين الصفوف
طيحةٍ ذاق وجعتها من اقاربه
وقعت خنجر الايام بين الكتوف
وصدرت من على كبدي وهي شاربه
بعد قفابها الحظ الردي والظروف
ليتها اللي تشوف الحال وش صاربه
من بعدها غدى فالقلب راعه وخوف
كن دقاته من اليوم متقاربه
روحت مير ماسوت بخوك معروف
من هذاك النهار ونومه محـــــاربه
لين خلت قصيدي مثل مانته تشوف
يضلع وميسم الفرقاء على غاربه
مابقى غير اكحل عينها بالحروف
دامها ياعــــــــــويد خاربه خاربه
"فايز سراحان الثبيتي "
من يحب العذارى زاميات الردوف
من بنات العرب . . ولاعرب عاربه
صار يسمع بصدره مثل ضرب الدفوف
كل طاري يشب الشوق . . والنار به
مايطفي لهيبه غير شوف الهنوف
شوف سنه. . وحق بلحظتن ذاربه
إن تهيت تعبها يالزميل مخلوف
وكل صعبن سهل. . ماعاد تحتار به
وإن حصل غير هذافي إختلاف الشفوف
خل من دونها البيبان متواربه
يمكن الله يدير إلك الفلك والصدوف
وينفتح باب خيرن كنت متغاربه
كانها للعزاوي جيت اسل السيوف
صاحبك محزمه على الوفاء كاربه
حاضر الجاه والفزعه ودفع الألوف
مانعود ورى لو راحت مضاربه
مير اظنك يافايز في صفاتك عطوف
ماتبا الوضع يصعب. ثم تحتار به
حوف والذيب في وقت احتياجه يحوف
يمكن. انك تصيد الغاده الهاربه!
عويد المطرفي (بعيد الهقاوي)
ليست هناك تعليقات:
إرسال تعليق