حفل الاعلامي راكان المغيري
انا هجوسي قامت الليله تداحم بالجنوب
ماكنها. الا ذود شيخ تعتزيبه لابته
كم له يجنبها المزاين لين وردها غصوب
يوم المداحم دون ربعه والحميا جابته
عفر ليا عرضت على اللجنه غواربها نصوب
يبا هدفها نخبة النخبه عساها صابته
مسراحها واد الرشاء ولا عنه تفهق جنوب
في حروة شيوخ على الكرمه لحاهم نابته
الاد روق مروضين الخصم لين انه يتوب
ذروة سنام المجد فيداهم وهم كسابته
وذوي عطيه باسهم من قوه الصخره تذوب
ماضاع حق عتيبه الهيلا وهم طلابته
ونعم بـ الاد مغير اللي فعلهم غير محجوب
حماية. الحد القديم اللي عداهم هابته
وحنا ثبيت الساس دام الراس هبته الهبوب
مرسى عتيبه والجبال الشامخات الثابته
جينا نشارك بالقصيد وبالرصيد وبالقلوب
رجل يعيش المجد بين ابهامه وسبابته
راكان قرم من عتيبه ماتعداه الوجوب
اليا دعانا والله انا نفتخر بـ اجابته
ان طب في سوق الوفاء والطيب ماراح مغلوب
وان صاح فـ اعتابه يبا يفخر بفعل عتابته
يستاهل العنوه وريث المجد حلال الصعوب
ويستاهل البن اليماني من يدا صبابته
بعض العرب ذكره يجيب الناس له من كل صوب
مثل الحياء متبوع من طيبه وطيب عصابته
وبعض العرب لو يملك الاموال ماهو بمحسوب
اليا تردا والله اليفنى وهي ماثابته
وعمه عجيب مفرج الضيقات فكاك الكروب
كتب له التاريخ فعل يستحق كتابته
مدت يمينه مثل غيث المغفره بعد الذنوب
يستاهل البيضاء وصكات الزمن ماشابته
الله يبارك في محل كنه الصدر الرحوب
والله يجمل حال من كمل وجمل لابته
فايز سراحان الثبيتي
ليست هناك تعليقات:
إرسال تعليق