هاجسي نوٍ مناشيه في بحر القصيد
يالله انك لاتعديه ماهل امطره
لانتثر قالو هل المعرفه هل من مزيد
رحمة ٍ لاصحاب الالباب ولا مغفره
كان مايروي عقول العوارف وش يفيد
نو صيفٍ جعل موس الهبايب تنحره
في محل الاد ناجم هل المجد التليد
والله ان كلي علو وشموخ ومفخره
درع جنبي يالمناجيم فاليوم الشديد
لاغدا للارض هزه وللجو غبره
لابةٍ ميقافها عنه ما والله احيد
دونهم لو ينزف الشعر دمي ماذخره
ان دعوني ماتوخرت كان الله يريد
الظروف اتطول العلم ولاتقصره
اعتزي واسخر القاف والعلم الاكيد
اني اليا ضاق صدره علي جبت خبره
وكان ماجملت ربعي وش انا مستفيد
ياكثر. زرع القصايد وياقل ثمره
بندقي من فضل ربي مراميها بعيد
والكفو يبشر بعزه وانا حزام ظهره
جيت ابا ارحب واهلي وهذا يوم عيد
احتمي ميقاف ربعي واعزه وانصره
مرحبا في حلة ثبيت والساس الجويد
مرجع الهيلا مقر الدهاه ومصدره
عزوتي لاراحو القوم مسيودٍ وسيد
مايروح إلهم من العز. مثقال شعره
حقهم يصخون من دونه بدم الوريد
وقسمهم يوم المداحم يداهم تظهر
في ذراهم مقطع الحق والراي السديد
وفي جهالتهم لعميان الارياء مقبره
من عرف هيبة مباني عتيبه لايزيد
ومن جهل ماظن روس الرجال تعذره
للصديق اجنوبنادرع ضافي من حديد
وللعدو سيفٍ تعدا يدينه لننحره
من تذكرنا لسانه جمل فيداه قيد
ومن نسى لاشاف بيض الفعول تذكره
بعدها صلوا على اللي ربا فينا وليد
لاذكرت انا خواله شعرت بـ مفخره
شعر / فايز سراحان الثبيتي
ليست هناك تعليقات:
إرسال تعليق