ياشعري اللي ماعليك خلاف وانته في ذراي
ولا تقدم في مـهمة غـير وانته قدها
اليا حظرت ارقى سنود وهاجسي يسبق خطاي
يوم الـجـمـايـل تعسـف الــرجــال لــيــن يردهـا
اسوق من عفر القوافي ماتهيض من حـشـاي
سوق الـذلـول اللي وســوم ثبـيـت تـزهـا خـدها
قامت بيوت الشعر تجـري فـي عروقـي مع دماي
مثل الـحـيـام اللي نهار الـقـيـض تـــارد عـدهــا
وان كـــان شـعــار القبـيـلـة كلهم سوو كماي
لابدها تــفــخــر بــفــعــل اعـيــالــهــا لا بـدها
مــانـــي بـشــاعــر فبركة ولا بهذا مستواي
واللحيه الـلـي ماتجملـنـي مـاجــي في سـدهــا
شـاعــر وامثل لي قبـيـلـة والقـبـيـلـة مــــن وراي
تدحم بهـمـتـهـا الجبال الصم لين تـهــدهــا
ولياحظرت اكمل وجوبي واعلن لربعي ولاي
اللابة اللي من عـازاويـهــا عــريـــب جــدهـــا
احب راع الاوله واعده اعز خـــويـــاي
ولو اعـتذر عن وقفته طاح الـعــذر مـاسـدهـا
هـذا اللي من اجله واجا شـرواه افخـر بانتمـاي
مثل السيوف اللي لـيـا قـالـوا ينـومـس حـدهــا
احزام ظــهــري لا دعته الـنـايـبــه ولاعصاي
مواقفه تـصعب عليه لو بـغــيــت اعــدهـــا
ولا قـلـيـل العرف عـيت مدته تـقـطــع ضــمــاي
ليته مــوفـــرهـــا ولا كــــنــــه عــلـيه مدها
اللـي ماغيـر اخوتـه ضحـك وحكي منها وجاي
لواعتـزيـبـه في وجـيــه الـقــوم مـاهو ضدها
يضحك في وجهي ويتردى ثم يهـرج في قفـاي
وايسوق عـيـنـه للرخـيـصـة لين يترب خدها
ايغض طرفـه عـن صوابي وايتلـفـت في خطاي
لا بــــــارك الله فـالـصــداقــه كـان هذا حدها
هــذاك تقصر شرهتي دونه ولا تـقـصـر يداي
فالماقف الغصاب عن مزح الـعـلــوم وجــدهــا
لاصار نجم مـن النجـوم اللي تهاوت في سماي
ماهو بـكفو النظره اللي كــنــت فــيــه الــدهــا
فايز سراحان الثبيتي
ليست هناك تعليقات:
إرسال تعليق