لحظة حقيقه عانقت طيحة الشمس
نزفتها / بالثانيه / والدقيقه
ماغمضت عيني وانا افكر من امس
محتار مابين / الوهم / والحقيقه
وانت اصبح بضيقتك ياخاطري وامس
بين الحنايا صب ضيقه فــ ضيقه
على الذي ما عرض ايداه للمس
ولا نقّض عهود الغرام الوثيقه
قلبي ِسكر باحكاه لين ادمنه همس
وعقلي يبا فرقاه باية طريقه
وانا عليه من الوله منحمس حمس
والشوق بحر ٍ فيه روحي غريقه
غلطة هوى يطمس عليها الزمن طمس
أدفع ثمنها بالجروح العميقه
ليته كذا عن خاطري يبعد الرمس
حمل الهوى ماعاد روحي تطيقه
ليته يساعدني وانا خاطري عمس
على الوفا كل ٍ يروح فـ طريقه
وانا بوقع له على الحب بالخمس
ماعاد عيني تنخدع في بريقه
فايز سراحان الثبيتي
ليست هناك تعليقات:
إرسال تعليق