يازين الوداع اللي تحسه بدون شعور
عساني فدا كذب الغلا ويش سوابي !
مسوي كما اللي يلعن الجرح والدكتور
وهو يحلف ان الجرح ماهو من اسبابي
تفاصيل وجهك كلها تكشف المستور
على حدود هاك النظره اللي تلوابي
من الضحكه اللي كنها من شهود الزور
الى الدمعه اللي تنتظرها من اهدابي
حطام الزجاج اللي تلمه وهو منثور
لايجرح يدينك والله اني على عصابي
تبا تمشي وتاخذ معك عطرك المكسور
بعد مانتثر كله علي واغرق ثيابي !!!
فايز سراحان الثبيتي
ليست هناك تعليقات:
إرسال تعليق