هجوسي هجوسي ذعذعي مع هبوب النود
اليا. ناشت. عيون النداوي طرايدها
فلول الضبا اللي ماتركد. لها المقرود
بعد جيت اباخذ وزعتي. من فرايدها
علي احتزم من دونها وابذل المجهود
محطة هجوسي عبر الاقمار ترصدها
عسى البندق اللي ينشب فحلقها العبرود
ماتحسب. علي. بين. الرجال. اتقلدها
وانا من عتيبه لابدا للزمان عضود
وعّوّد على سود. الحجاجين يعقدها
لها وقفةٍ ترجح بها كفة المضهود
على قمة الامجاد تفرض تواجدها
تقدم لها الهيلا. اليا حك عود بعود
تغير وتحط. وسومها في جلامدها
وهذا الليل راع الاوله بالوفا. موعود
تشوش القبايل للمفاخر وتحصدها
هذيل العريقه. بالوفا. تبلغ المقصود
وانا ماحضرت الليله الا بمجدها
ولا ظن يلحقني. على. مدحها منقود
من فعولها الشعار تفحم قصايدها
هل السيف واهل الكيف ذباحة المفرود
هل النخوه اللي بيضت وجه . قاصدها
هل الفعل لا جاء فالمكاييل نقص و زود
وانا بعتبر نفسي هذا الليل شاهدها
بعد ماحضرنا في محل الكرم والجود
عسى. لابةٍ مثل آل خالد مانفقدها
لقينا الحجاج الطلق مثل النقاء المجرود
ولقينا. فعول تبت. يدين جاحدها
سحابة كرم هتانها. . وارد الكمبود
وصدور الرجال. من التراحيب راعدها
تداوي كبود وتجرح من الفعول كبود
هذا سلمها. بين. الرجال وعوايدها
قبيله لها تاريخها. الناصع المشهود
ولا ضاعت امجاد. ٍ لها من يجددها
ياسلمان بامجاد. القبيله. رقيت سنود
بعد صبت كل اهدافك اللي محددها
بعد مارفعت بكفك. البيرق المنشود
وثمار الجهود. ينالها ا للي تكبدها
تلبست ثوب من الفخر والجدود. جدود
نعم خلّد اتجدد. مع المجد. موعدها
تبا تفتخر بك ربعك وربعك الك. زنود
عسى الله يبارك فالرجال ويسددها
وعسى الله يديم الامن في ظل الاد سعود
ًحماة. الشريعه. لين تمت مقاصدها
وختام الكلام وكل ناقص. وفاء مردود
صلاه وسلام لخير. خلقه نرددها
فايز سراحان الثبيتي
ليست هناك تعليقات:
إرسال تعليق