بيـن محـمـاس القصـيـد وخـرمـة النـقـاده
فاحت الدلـه وقــام الـلـوم يـزحـف غــادي
فـوق حـدب مــن ضلـوعـي نـارهـا وقــاده
تطبخ الهاجوس لين يفـوح مثـل الكـادي
دلــة مـاتـاخـذ مـــن الـــراس غـيــر قـنــاده
بنها مــن يــم صنـعـاء والنـقـر بـغـدادي
تفرق اهل العرف والنخبـه عـن القصـاده
مثل مايفـرق قميـص المنتـخـب والـنـادي
قالـهـا الـلـي مايـحـب القـهـوه الا ســـاده
مثل قهـوة تركـي بـن حميـد وبـن هــادي
شـاعــر مايـغـفـل الـتـاريـخ عـــن مـيــلاده
الوكاد انـه ظهـر فـي وقـت ماهـو عــادي
يكحـل عـيـون القصـيـد ويقـنـع النـشـاده
بين بيـضـان الفـعـول وتـرثـة الاجــدادي
ان مــدح مايـمـدح الا روس قــوم وســاده
وان لبس ثـوب القبيلـه مايصيـر حيـادي
يـاســلام الله ســـلام مـاخـتـلـف مـيـعــاده
في مـحـل للـكـرم مـثـل المحـيـط الـهـادي
عــزوة الاد الحصـيـنـي فـزعــة الـهـجـاده
من طفيح اللي نجمهم فـي عتيبـه بـادي
عـــزوة الاد الحصـيـنـي للـرفـيـق عـيــاده
وللعدو ســـم ذحـــاح يـفـطـر الاكــبــادي
سقم مـن ساقـوا ذلولـه والتـووا بشـداده
سعد مـن يبـدي عـلاهـم فالـلـزوم يـنـادي
عــزوة لابــن نـجـم تفـخـر بفـعـل اجــداده
مانقول انــه نـقـص عنـهـم بفـعـلـه زادي
قالـهـا الـلـي دون ربـعـه وقفـتـه مـعـتـاده
يزبن الضلـع المنـيـع و لا يـطـب الــوادي
من ثبيت اللـي اليـا جـاء للطلـب سـداده
وقفتي مـن دونهـم ماهـي كمـا مقـعـادي
من ثبيـت اللـي اليـا جـاء للنسـب عـداده
ماحدى سموا العتيبي عن طرفهم حادي
من ثبيت اللي اليا عد الفريـض امجـاده
نفتخر بانـا خـوال الـلـي بعـثـه الـهـادي
من ثبيت اللي اليا نـاش النشيـط زنـاده
ان سلم منهم نكس في مشيتـه متحـادي
من ثبيت اللـي اليـا زاد الخصيـم عنـاده
ما يبا يـلـقـون بـعــده للـخـبـر ردادري
ربـعـي الـلـي فالـلـزوم مــن اول الــوراده
يوم دونالـريـع مـتــردي ولاش وغـــادي
والـخـتـام الله ومـركــم والـصــلاة عــبــاده
الصلاة عـلـى محـمـد وزعــة الاجــوادي
فايز سراحان الثبيتي
ليست هناك تعليقات:
إرسال تعليق