لوان القصايد في حضورك تطاوعني
نحتك قصيد وقمت اغنيك معزوفه
اجل مادريتي وش تسوين بي يعني
يصير الشعر في حضرتك كنه بروفه
اقول للشعر لاشفتك معرضه دعني
المه مشاعر وانثر فـ دربك حروفه
لو انك خيال وكل مافيك يخدعني
تفاصيل عمري معك ماهي بمخلوفه
يابنت الظلام الليل كله يروعني
ونا اسمع سواليف الهوى منك ماشوفه
على جدول اعمال المشاهير وزعني
ولو انها طيحة بطل. غير. مأسوفه
لو ان الشعر يترك غروره ويسمعني
ماصارت نهاية شرّد البيد معروفه
تبعثرت كلي فيه من عاد يجمعني
لو ان اكثر احلام المشاهير مكفوفه
فايز سراحان الثبيتي
ليست هناك تعليقات:
إرسال تعليق