انتي حكاية (دانه) اغرتني من بحور القصيد
لاجيت ابرويها غرق حرفي على جال قلمي
كتله من الاحساس لايمكن يكون. الا فريد
ولا وش اللي ساق في دربه قصيدي وقدمي
يامذهله وشلون خليتيني اكتب من جديد
وانا عزفت من الشعر كله ورزيت علمي
ماكنك الا الشمس واهجوسي بقايا من جليد
لكنها هاضت من وجودك وذابت في دمي
تساقطي مثل المطر لاصارت الاضلاع بيد
ماباقي من اعروقي اللي في غيابك ماضمي
ياملهمه كانك كسرتي عزلتي وانتي بعيد
وشلون لو ايصير لوجودك حلاوه في فمي
فايز سراحان الثبيتي
ليست هناك تعليقات:
إرسال تعليق