بصوت المنشد سيف المنصوري
غن ياسيف اللحن واطلق عنانه
من يدورني على العز يلقاني
المقام مروحي والفخر عانه
بيض الله وجه خطلان الايمان
والشعر في حلة ثبيت جدانه
بندقٍ مركازها فوق ذرعاني
يوم اركب حبته فوق نيشانه
والله ان عبرودها. كنه لساني
ارصد الاهداف وتطيح عجلانه
من فعول اللي على الطيب يحداني
الكريم اللي سخرته على شانه
شيخ عرفٍ وجهه يْزَّبن الجاني
عايض اللي للوفاء فك بيبانه
لين سوا للكرم عرض مجاني
الكفو هذا محله وميدانه
بلغه حبي وشكري وعرفاني
وقفته بين الرجال ارفعت شانه
بان فعل ابن دريويش واشعاني
ايه ابغني وارحب بضيفانه
دلته فنجالها ما تعداني
الصدور من التراحيب مليانه
والفعول امضى من السيف شاماني
مرحبا رحب ٍ على الطيب سيسانه
في محل ٍ يكرم الضيف والعاني
استدار العود الازرق بدخانه
لين فاح الهيل من كل رسلاني
والثناء والحمد لله سبحانه
يوم جمّعنا على عز واماني
فايز بن سراحان الثبيتي
ليست هناك تعليقات:
إرسال تعليق