كان شعري فيك حي الله [يطول عمره]
وكان مات الموت اخذ (عبدالله المسعودي)
يوم جيتي بالغلا / والمبخره و[الجمره]
احترق هاجوس شعري كنه الكمبودي
يارشاش المزنه اللي من ضحى منهمره
في ديار ما وطوها بالركاب [ جدودي ]
أنثني للشوق واسلم / واجي تحت امره
وان بغيت انهض [يديني ] ماتفك قيودي
ياجنيه الشايب اللي مايفارق [ كمره ]
يعتزي باشراف مكه والجنيه / سعودي
من ورى بخله وحاجة [روحي] المندمره
كن في صدري يثور [الملح] و [البارودي]
ياشقاوة طفلة العامين عقب [السمره]
اول العنقود / ماهي بآخر / العنقودي
دوبها تلعب في مكياج [ امها] والحمره
ليت فرحتها تعادل / فرحتك / بوجودي
راكب اللي دوبه مورد على آخر نمره
مدت شيوخ ٍ عطاهم ماهو بمحدودي
جيب لكزس لولوي/ ومخالطته السمره
كنه مظلل قزازه من [ غبار البودي ]
قل لمستور الذويبي صاحبك هذا / امره
جعلني مافقد حزامي فاللقاء وعضودي
اثر للخاطر يابو شاهر فديتك [ طمره ]
قبلها ماشلت هم البيض بين [السودي]
والله اني ماحسب اني من هذيك الزمره
لين وردني علاها حظي / [ المقرودي ]
الهنوف اللي تهد اف خاطري وتعمره
جادل ٍ لمت شقاي / وبعثرت مجهودي
الهوى راعيه كنه / محتسي له / خمره
دلني قدام ابيح [ للرجال ] / سدودي
دلة الرسلان لو اخذ علاها [ تمره ] !!!
ماتلين راسي القاسي ؟(هذا مقصودي)
فايز بن سراحان الثبيتي
رد الشيخ / حسن بن علي الثبيتي على قصيدتي الموجهه لمستور الذويبي
بعد ما قاطرت في ممشاي مسجدنمرة
جتني رساله قصيد بخدمة [الموجودي]
كنها جسم العروس اللي بليلة. / غمرة
العطور تفوح منها والشعر/ [مفرودي]
وبالحزام اللي مرصع بالذهب [ مطمره]
بنت شيخ مامشت ف العيب / والمنقودي
من حسنها كن قلبي فوق جمر[السمره]
أتمنى ليتها لي والعباد /. شهودي !!
من كلام الشاعر اللي يوم اخذله [عمره]
إستجاب الله دعاه وحقق [ المقصودي ]
والعرب في نعمة الله والرخا منغمره /
مير فايز من كرم ربي عطاه بزودي !!
يشكي اللي كن في خصره ذبول وضمره
بالكلام اللي فصيح وبالنقا [ المجرودي ]
ماقدر يكتم غلا اللي وجهها [ كالقمره ]
اقلقت ليل الثبيتي. والعباد رقودي /
كل ليل تشرف الأفكار زمره / [ زمره ]
شي محمود ن وشي ن ماهو بمحمودي
وكن ف جسمه كما قرص النحل والصمره
وكن قلبه بالسيوف المرهفة [ ملهودي ]
والهموم بوسط قلبه بانيه !! معتمره /
الصوادر صادره واللي ورود [ ورودي ]
بس لا تقلق ترى. كل العرب [ منقمره ]
في الهنوف اللي شعرها فوقها مرجودي
مير وين اللي تباه ولا يجيها [ذمره ]
من صفاته لين يرقى بالجهود سنودي
والحظوظ تقوم بمر الله وذيك [ الشمره ]
شمرة الفريس في طابور ابن / عبودي
جعل حظك يالثبيتي مايجي له [ دمره ]
لين ترجع بالهدف يا صاحبي ( وتعودي )
ويالحليم اللي جميع الخلق خاضع [لمره]
أطلبك تغفر ذنوبي يا وسيع /. الجودي
الشاعر / حسن بن علي الثبيتي
ليست هناك تعليقات:
إرسال تعليق