ياشوارد فكري الليله الماقف صعيب
غيبتي ذنب وحضورك عساها مغفره
ان بديتي كل راس ماهو راسگ يغيب
لو ينوش العود الازرق سنام المبخره
كني المطلوب وانتي تسدين الطليب
في مقامٍ مابقى شي دونه نذخره
المقام مروحي والهقاوي ماتخيب
عند من عدوه لاهله وربعه مفخره
بيت عرفٍ من سلايل ثبيت وساس طيب
والشعر حنا جباله وشطه وبحره
المقام مروحي والوفاء ماهو غريب
حلةٍ للضيف ماجوبها ماتقصره
تنطحه بالبن والهيل وامات العصيب
والحجاج الطلق سلم الوجيه المسفره
المقام مروحي يومها حظ ونصيب
فاللقى ياسعد من جيتوا حزام ظهره
عزوتي في مدحهم عد قافي مايشيب
بيت من سموا ثبيت العريقه مصدره
ياثبيت المجد ربعي هل الراي الصليب
مجدكم لازالت امة محمد تذكره
ماجهل تاريخكم شيخ واستاذ وأديب
غير جاهل حده الواقع وسد نحره
ياثبيت الساس ربعي عمى عين الحريب
فالحجاز الكم على الطيب والعز شجره
شجرةٍ مدت وفيّت على نجد العذيب
وكل غصنٍ ماله ظلال مافيه ثمره
ياثبيت الفعل ربعي مروضت الصعيب
كل غاوي عن طريقه تجيبون خبره
كنكم قمة جبل والقصيده صوت ذيب
شاش راسي كل مالج صوت الحنجره
والقبايل كلها مابها شكٍ وريب
كل صقرٍ فالمواقيف فعله يظهره
والختام ازكى صلاةٍ على وجه الحبيب
عد نوٍ لاح وسم الحياء تحت مطره
فايز سراحان الثبيتي
ليست هناك تعليقات:
إرسال تعليق