مافطر كبدي من اصروف الزمن واوجعها
مثل هاك الجادل اللي فالحشاء. مرتعها
انتصف عمري وانا قلبي مولع فيها
ماتغير قدرها. عندي ولا موقعها
ان بغيت. اسج. عنها اشغلت تفكيري
وان دلهت ادله مع العالم وقلبي معها
سيطرت حتى على شعري وانا شاعرها
كل مانظم لي قصيدة جات في مطلعها
ماحصل لي من هواها مايسد غبوني
غير لمحة. عينها الدعجاء ورى برقعها
ان بغيت الوصل. منها عن عيوني غابت
ثم ماغيبت شهر ولا سنه تقنعها
تمضي العامين والثالث يهل ويمضي
لين يبدي ثالث اعوامي على رابعها
السنين. اتمر وانا في هواها صابر
سرها مدفون في قلبي ومستودعها
وان حصل لي من بعدها علم ولا طاري
احصد اهمومي على كف الهوى وازرعها
في خيالي صورةٍ توقد. لهيب الذكرى
صورةٍ لا تروي /. اعيوني ولا تشبعها
وان بغيت. اقفي واعذر في هواها قالت
الزم احبال الوصال ارجوك لاتقطعها
جاتني في ساعة الفرقى تحث خطاها
تحمي طبول الغرام ف قلبي وتقرعها
شيب عيني يوم قفت واستدارت يمي
وعضت. شفاها وطقت للفراق اصبعها
بنت عودٍ شاش. راسه من فعول عياله
هيبته تصفق وجيه القوم عن مطمعها
لين حاقتهم سهوم. الموت. عنه وراحوا
روحةٍ ماظن احد منهم يبا يرجعها
وانقلب حاله. بعد عزه. هوان /. وذلّه
اثر دورات الليالي صدق يامسرعها
من بعدها حولت صكات. بقعاء فوقه
كل ماجته. بمصيبة يسكت ويبلعها
لين نثّر في طرف ناره عزيز دلاله
وصك بيبانٍ من اول دايم مشرعها
اهجروه شيوخ ربعه واتركوه اصحابه
واطمعت فيه الرخوم اللي ماحد يردعها
لين صار ف ديرته مثل السجين المنفي
لانفع نفسه ولا ظنه يبا ينفعها
كل ماجاء. من بني عمه لها خطابه
قال هذي هرجةٍ. منكم لاعاد اسمعها
حالف. انه مايزوجها لواحد فيهم
ليته مكفر يمينه. مير ماضيعها
والمصيبة كان راحت في حلوق اعداهم
هذي اللي خايفٍ منها ومتوقعها
تلني. حبل الهوى والشوق يابو ماجد
يمها لين ان عيني فارقت مضجعها
لغزها حير عقول الناس وانا واثق
ان مثلك ياوسيع المعرفه يرمعها
احتزم من دونها يامسندي وافزع لي
لو تصيح. ف كل الاد مروح وتجمعها
وان توخر عن لزومه واحدٍ من ربعي
طاحت الشرهه عليه ولا قدرت ارفعها
فزعتك وانته ولد عمي عصابة راسي
من حساب اغلا جنيهات الذهب واروعها
ثم اقول اما عقلها الله على يمناكم
ولقيت اهموم المعنى عنه من يمنعها
ولا ابقضي من بعدها مابقى . من عمري
كل مامشي خطوه ف درب الغرام ارثعها
" فايز بن سراحان الثبيتي"
