ياسلام الله علاكم سلام المسلمين !!
منزلٍ اقرأ على اشرف عباده في حرا
خالق الانسان من نطفةٍ ماء مهين
لا تكبر يابن ادم ترا الله اكبرا !!
ثم صلى الله على. روح سيد المرسلين
خير من داست مواطيه حبات الثرا
جعلنا نارد على حوضه العذب اجمعين
لين نشرب من يدينه زلالٍ كوثرا !!
حفلكم ياعتيبه اللي يسر الناظرين !!
والله انا نفتخر فيه وانا في حرا .. !!
لو بغانا العذر دونه ولو انه سمين !
وش يعذرنا وحنا امعكم فيه خشرا
بيرقٍ من روس برقا كعام المعتدين !!
خصمهم دايم يوقف مواقيف الزرا
المقاطي دايم اسمه لوقفاته قرين !!
لاغرابه لن طلعتوا مشايخ واومرا
بعد ذالك ودي استاذن من الحاضرين
والشعر ديوان يكتب جهار وينقرا !!
اسمحوا لي يالمطاليق عندي كلمتين
والرجال الها مواقف تعد وتذكرا
لي خويٍ في عشيره عرفته من سنين
خوةٍ في ذمتي ذمه انها تنشرا !
حرٍ اليا هد ياطيبه وصيده ثمين !
من مراقيبٍ طويله كما قلعة كرا
صاطي اللي فالمهمات عزمه مايلين
ومن جهل فعله يرووح ويراجع ماجرا
في نهارٍ ماش دون الحلوق الا اليدين
ما تحرا الدور في صفهم ياخذ سرا
يدحم جنوب البعارين بالجنب المتين
محتزم في لابه اعطواله الضوء اخضرا
تنشر البيضاء لهم كل وقت وكل حين !!
ربعه اللي صدروا خصمه وعود ورا
وبارگ الله فيك ياللي كماالضلع الزبين
جعلك لمن يتقي فيك فالشده ذرا !!
#فايز_سراحان
ليست هناك تعليقات:
إرسال تعليق