مرحبا حياكم الله تراحيب المزون
حلة اهل الطيب هذي وهذا دلها
قدركم ماهو على الارض في وسط العيون
فاتحين صدورنا له وهو محتلها
عند ابو فواز واهل الوفاء مايعدمون
السيوف اللي لاجات اللزوم نسلها
يستدير الكيف وام الشحم فوق الصحون
الكبيره ياقف الها والاخرى زلّها
الوفا والطيب والعز وكبار الظنون
بيض الله وجهه اللي حواها كلها
دايم اليا صعبت الاوله الها زبون
والرجال جبال للي يجي في ظلها
والقثامي كل صعبه في قاموسه تهون
وقفته دايم لا بانت تجي في حلها
هكذا هم سادت القوم دايم يعتلون
قمةٍ ما كل فارس يبا ياصل لها
تشهد لهم بيض الافعال وانتم تشهدون
وكم غشيمٍ جا يباها وقالوا خلها
اللي يقولون ماهم كما اللي يفعلون
والجمايل مكسب اللي يقوم رضاً لها
والله انه يشوش راسي لاقالوا من تكون
ثم قلت انا عتيبي وانا كفواً لها
القصيد فمدح ربعي وهم يستاهلون
البيوت اللي عساها فدا من شلها
#فايز_سراحان
ليست هناك تعليقات:
إرسال تعليق