الشعر كنه سحايب والهجوس تخيله
يمطر ولاضاق به وادي يبا يشتاله !
ياحليل الوادي اللي لا مايضره سيله
يرتوي ماه القراح ويبلعه مسياله !!
الشعر ياسادته شيخٍ خطاه ثقيله
ماهو اللي ينعرض فـ مسلسل الحيّاله
الشعر كنه جمل لكن هدوا حيله
كل من شافه منوّخ قال انا جمّاله !!
الوكاد انه بري من تهمة التفعيله
فوق ميزان الذهب بجنيهه وبرياله !!
دمه حجازي وعند المختبر تحليله
والله ان هذا محلّه ، لو يشد رحاله
انصتوا لي ياجماهير الشعر ذا لليله
ودي اوجه لكم عبر الاثير رساله !!
للشعر يمناً تنوش السبحه وتومي له
وللخصم خصمٍ ليا شافه شرب فنجاله
قبل شعر القلطه يحوّل مع التحويله
وقبل يندب حظه الاقشر وينطح فاله !
سجل التاريخ وقفة (عايض ابو رجيله)
دون ربعه فالمواقيف الكبار لحاله !!
يحتمى ميقافهم لاجاء عليهم ميله
قبل كلٍ يحتمي وجهه بخشم رياله !
بالقصيد اللي يضام الخصم من تأويله
لو ضحك سنه وميل غترته وعقاله
شاعرٍ ماطب ميدان الشعر بالحيله !
طبه بفعلٍ ينومس والسعد يبراله
واجب انا مثل ما وفّالنا نوفيله !!
لو طلع مكيالنا ماهو مثل مكياله
الوفاء له حزةٍ تفرض علينا الليله
نحتفي به وانتغنابه في عرس عياله
فخر (الاد مروح)اللي بالسعد تدعي له
رمزنا اللي فارضٍ نفسه بطيب افعاله
الجناب الدمث واليمنى ماهيب بخيله
((الله يديمه)) لنا وايكثر من امثاله
لا يزال بخير لو الجيل ماهو جيله !!
وكل عصرٍ له فضاه ودولته ورجاله
تنثني دونه لحون الزير وتلالي له !!
وكل طرقٍ من طروق الملعبه غناله !!
صدره اللي مرتوي بن القصيد وهيله
مارتوى من وقفة الطيب وشموخ القاله
#فايز_سراحان
ليست هناك تعليقات:
إرسال تعليق