لاح برق القصيد وكل مدهور سال !!
ولا امطر من الخيال العذب غير اجزله
لين قام الرعد يزهم وانا اخو العيال
كنه يقول : جاگ العلم قلت : ازهله
احتزم بي وقرب منكبي للثقال
وعقب اللي يدور شيء ماهو بله
جهزوا قاعة الفردوس للاحتفال !!
شرعوها وشارعها لا حد يقفله
ليلةٍ لبست من المجد والعز شال
شاهقه بين حد الطهر والبسمله !!
عانق شموخها نجم الثريا وقال
مرحبا ،، والوفاء منا وحنا هله !!
مرحبا في محل مكرمين السبال
يوم كلٍ بفعل الطيب ساق جمله !!
حلةٍ بابها الواسع صدور الرجال !!
وضيفها بالشحم والطيب تستقبله
والله ان الفخر مبطي على كل حال
للرجيلات عدٍ صافيٍ منهله !!
ربعي وفعلهم لي مكسب وراس مال
ارفع عقالي لوقفاتهم وانطله !!
راسي (مروحي) مادونه الا الجبال
كل مجدٍ يمد يداه ،، ويقبله !!
(ياثبيت المفاخر ) ، مجدكم لايزال
اخره يصنع التاريخ مثل اوله !!
#فايز_سراحان
ليست هناك تعليقات:
إرسال تعليق