يامرحبا باسم لسان عتيبه
اهل الوفاء والعز واهل الهيبه
حقٍ علانا نثني الترحيبه
العود يدرج والدلال تفوح
راع المحل وافي وضيفه وافي
وضوء الشعرياثبيت ماهو طافي
وانا ماعدي غير في مشرافي
ولو اتعذر ماني بمسموح !!
اقف واغني بين الاد مرووووح
ربعي الياشان الزمان ولوووح
من يعترضهم في يداهم رووح
امر الله اللي كاتبه فاللوح !!
في حلة اللي عزوته نومسها
لين النجوم براحته خامسها
له جرةٍ ماظن احد يطمسها
لو الهبايب بابها مفتوح !!
اي والله اغني وانا متهيض
يشهد لك التاريخ يابن عويض
دون القبيله مانت والله ريض
برقٍ على وجه الفعول يلوح !!
ذيب المواقف لا بدت زمّتها
عز الله انه معتلي قمّتها !!
اليا هرج بعض العرب صمّتها
لو ربعه يسمونه الطحطوح !
لك وقفةٍ تبقى ماهي مجحوده
الا من ضعيفٍ صخاف زنوده
لاقام كلٍ يعتزي بجدوده !!
علّم غشيم القلب وين يروح
اللي يصفصف هرجه المجاني
الله على هذا البشر ماعطاني
تبا تنومس في فعل جداني !!
ولالي فطول السالفه مصلوح
#فايز_سراحان
ليست هناك تعليقات:
إرسال تعليق