هاجسي ياهاجسي مد لي كف القصيد
كل بيتٍ يطرب اسموع خلق الله جبه
لي ثلاث ايام وانا اكتب المطلع واعيد
كل ماسجلت لي بيت عودت اشطبه
مالقيت اللي على مستوى الاد الجعيد
الشعر فيهم ياطيبه وياكثر تعبه !!
اسمهم عنوان للطيب والمجد التليد
والجعيد ايحق له يفخر بطيب نسبه
في سنام العز دايم مراقيهم بعيد
بالفعول البيض من مرتبه في مرتبه
يافهد مبروگ يالله عسى عيدك سعيد
الثلاث اعياد جاتك على ماتطلبه !!
قلت لك ياصقر وش قيمة الضبي الفريد
قلت لي (نونٍ ) في وسط العيون مركبه
يافهد مد الوفاء بالوفاء ماهو جديد
سلمنا من يوم اهلنا وحنا نكسبه !!
والثبيتي من ذِكر عنده اسمه لايزيد
خطٍ احمر لا يجي يمه . ولا يقربه
ينشد التاريخ عنا ويعطيه المفيد !!
مير من يقراه ماهو كما اللي يكتبه
ساس بيتٍ عنه سموا عتيبه ماتحيد
والنبي حنا خواله وكل الفخر به !!
#فايز_سراحان
ليست هناك تعليقات:
إرسال تعليق