العمر كله شخابيط وحكايا !!
والحياه جدار وبن آدم قلم
وش يزيل الذكريات من الخلايا
لاقعدت اسج فيها و احَلَم
الشبابيك العتيقه والزوايا !!
ونعسة الطابور وسارية العلم
الاغاني والقصايد والمرايا
والمواقف والسوالف والظٌلَم
والحياه الهاديه بين القرايا !!
كلها مرت علي مثل الفلم
التفاصل اللي اكثرها ضحايا
كنها دكتور والواقع ألم
ليتها ترجع لو اسهوم المنايا
كل شيء منها الاقلبي ماسلم
ماعدا ذكر الله وحسن النوايا
من يدور غيرها تاه وظَلَم !!
#فايز_سراحان
ليست هناك تعليقات:
إرسال تعليق