جاتنا عسوس القصيد اللي تجيب اخباره
ياثبيت فكل دار الكم رجال وحله
ديرةٍ شمال عن مكه جنوب ستاره
شاقني برقٍ علاها مانويت ازله
ماحسبت حساب لليوكون ولا مشواره
كل شيخ من شيوخ ثبيت اروح رضاً له
المحل اللي يجملنا ماتطفي ناره !!
يستحق انا نجيه ونتكي في ظله
بيض الله وجه شيخ وقفته جباره
والوفا والطيب ماكلٍ يبا ياصل له
الجمايل صيد واهل الاوله صقاره
مثل شيخ الاولات رزيق بن عبدالله
احتفل بالشيخ ابو ركبه كبير جداره
ومد له فعلٍ على ماقيل بيسجل له
شيخنا اللي قدم لربعه صقر واختاره
مقطع الحق القديم اللي لازال فحله
باسمهم واسم ثبيت اشيوخه وشعّاره
جيت وانا شاعرٍ فيه الشموخ اجبلّه
ابسلم وابرحب والقصيد عباره
عن مداحم فكر ما كلٍ يبا يفطن له
ياسلام الله سلام ماتغيب انواره
ومرحبا في حلة ثبيتي وهذا دله
حلةٍ معموره وبيتٍ طويل جداره
في ذراه العود الازرق والشحم والدله
ولا انا شعري مجملني وانا بيطاره
لا زهمته في لزوم ثبيت جاني كله
واعلن سلاح القصيد فصدري استنفاره
وكل سيفٍ من محاديب الضلوع استله
شن له غره وباقي له فاثرها غاره
وكل قلب ٍ في طريقه بيحه واحتله
لو يحاول من يعارض دربه استنكاره
راح مرواحٍ يبا يبطي مايبرد غله
ومن يشوف انه كلامٍ مايشد انظاره
الوكاد انه يدور للنشاما زله
كان هذا هرجه الصامل ماعنده غاره
ليته ايجنب عن دروب الرجال احسن له
بيرق ثبيت العريقه مايطيح اشعاره !!
مرجع عتيبه خوال لصاحب اطهر مله
عزنا بالله ودين الله نعز انصاره !!
ناقف افوجه الفتن والخبث ما نمهلّه
الولاء لابن سعود اللي كسر عن داره
كل غاويٍ عن طريقه نفسه تسول له
يوم حاسب زمرة الارهاب والله جاره
ما اخذته في الله لومة لايم ولا بالله
من يقول ان الليالي كلها دواره
علموه انا نعقد اله الحبل ونحله
الوطن غالي وحنا فاللزوم اسواره
كل شبرٍ من ترابه لو نمووت افداً له
ليست هناك تعليقات:
إرسال تعليق