سلام يامجلس ٍ شيد على الناموس مبناه
الساس ثابت وبنيه مايجي فيه اهتزازي !!
عد السحاب الغزير اللي من الريعان منشاه
خيّل على نجد لين ارواه والمنشا حجازي
مجد الرباعين والله ليبطي التاريخ ماحصاه
الاد ثابت قبيله بالمممفاخر ماترازي سادوا على نجد يوم ان اشهب البارود يبراه
ورزوا لهم بيرقٍ ماله من عداهم موازي
اسم الرباعين رمزٍ مقترن بالفعل والجاه
ووسم الرباعين رمزٍ في جلامد كل نازي !!
اي والله ان القصيد اللي ابن ربيعان منصاه
شيخٍ من ثبيت يشعرني بفخري واعتزازي !!
الشيخ نايف ولد هداج جعل اللاش يفداه
عزالله انه بفعل الطيب والمعروف فازي
شيخٍ دعانا وشرع باب ديوانه وجيناه !!
وحنا ثبيت الفخر والمجد والساس العزازي
شاعر وعندي ثقافه مير ما عندي مراواه !!
لاجيت ابكتب فـ ربعي صرت بلحيل انحيازي
راع الكرم ودك تصب السمن من فوق يمناه
دايم لوقفات ربعه بالمعاريف انتهازي !!
الفرق واضح ومن دقق نظر عينه ابيلقاه !!
بيت الكرم حصن وبيوت البخل مثل القزازي
مجالس ٍ زلها ، انعم من الديباج ماطاه
ما داسها الضيف ولا تفتح الا للتعازي !!
ومجالسٍ من كثر ماقام يدرج فوقها خطاه
تلقى هدب زلها الازرق معوود تركوااااازي
رجال لامره الضيف ونقز له في ولد شاه !!
كنه امجهز على الجبهه (٨٠) الف غازي !!
ورجال يذبح ولد ناقه وهو بالعذر يقفاه
هذا اللي والله على مدة يده ماله مجازي !!
ياطيب حظ الفتى اللي تكسب المعروف يمناه
بالفعل والجاه ماهي بالصحوون وبالكوازي
#فايز_سراحان
ليست هناك تعليقات:
إرسال تعليق