ابشر بعزگ وانا لگ يالعصيمي عضيد
ماهو ب انا الا عتيبه كلبوها عصمه
خل الشعر يابن عايض هاك دم الوريد
ابك انت تامر على الهاجوس ماتزهمه
فالماقف اللي يشوش الراس له يا وليد
لي هاجسٍ لا نخيته جعلني ماعدمه
يابن عقيّل في مدح سبيع انا المستفيد
لو الشعر فيهم اليا قيل يقطر دمه
سلام يادولة الغلبا ياضد الضديد
يالابةٍ كل مجد بجنبها تدحمه. !!
حنا عتيبه لنا الامجاد مثل العبيد
هيلاً تهايل على الطاغي ولا ترحمه
ياسبيع لو يرسم التاريخ فوق الصعيد
من بيض الافعال بينا وبينكم نقسمه !!
انتم هل المجد والفعل ودهات القصيد
في مدحكم جاي لبيوت القصيد حطمه
ماهووب من قل عرف ولا كفاية رصيد
لا والله الشعر ثقل امجادكم يفحمه !!
لارخالها الهاجس امتونه على ماتريد
قام يتراقل ويطرد بعدها ف انسمه
في حفل ابن ذيب زيزوم النهار الشديد
يوم الردي كل ما درّج تزل قدمه
بتال بن باتل اللي جعل عمره مديد
شيخٍ على العز والناموس رز علِّمه
والله ما نقصر خطانا دونه ولا نحيد
ولا يطلب العذر من شرواه غير رخمه
كم شيخ قومٍ بنى سمعه ومجدٍ تليد
الله بعد مات يرحم مجده و يرحمه
لكن ابن ذيب مجده كل ماله يزيد
ولا ينقص الا طرف ذوده وحيّل غنمه
راع الكرم تشهد اله الناس والله شهيد
ومواقف الطيب ترفع للرجال سهمه
#فايز_سراحان
ليست هناك تعليقات:
إرسال تعليق