ياقصيدي لادعى داعي عتيبه تعال !!
القصايد خيل والخيل من خيالها
ليلةٍ ماشوفها الا من خيار الليال !!
بالفرح والعز والطيب هل هلالها
الفخر والمجد شمسٍ مايلحقها زوال
في سماء عتيبه تدور وهذا منزالها
ايه حنا عتيبه اللي اليا جات الثقال
يبرگ الطارف من عيالنا ويشتالها !!
نرتفع عن مستوى الارض فحدودالجبال
تحت هيبة من خلقها ومد ظلالها !!
في ذرانا كل ضامي مواريده زلال
تحت هيبتنا لا قلنا اقلط وحنا لها !!
يرتوي في ظل مدات مروين السلال
كل ماكبرت كبرنا وحولنا لها !!
ماغِلبنا في حبايل معقدت الحبال
كل عقده من يدانا لها حلالها
رغم دورات الليالي فحنا لانزال !!
ولا تزال الاوله عندنا فنجالها !!
مايميل الراس والمجد ذخر وراس مال
عملةٍ صعبه ماهو من بغاها نالها !!
ومن يقول ان الليالي نزولٍ وارتحال
وان بقعاء كل ليله تبث رسالها !!
علموه انا ثبتنا وحولنا شمال
لين قامت نجد تلبس لنا سلسالها
يومها بالفعل ومداحم جنوب الرجال
سجل التاريخ بيض الفعول وقالها
#فايز_سراحان


ليست هناك تعليقات:
إرسال تعليق