ياقصيدي حان موعدك جعلك ماتهون
والشعر مثل السحايب يغيث وينجلي
هاجسي للاوله دايم اشوفه زبون !!
وان تعدت اترك الباقيه ماهي بلي
احتزم وابذل لها الجهد واسوق الضعون
لين دمي وسط حمر الشرايين ايغلي
الله يسلط على شاشتك يالايفون
كل طيب لادعاني شعبت له جملي
ولا انا كم لي عن الشعر عايش في سكون
خاطري ماهو بيمه وانا ماني خلي
لين جتني دعوة اللي على رقبتي يمون
ياكبر عذري ولكن ،، ماهو هاين علي
(حسن ) اللي لاقسى الوقت حطيته متون
ادحم ابه اصدوف الايام والمخرج ملي
جعل من جابوه فالجنه ومن يسمعون
الخوي اللي ماهو مثله ايلق الخلي
ماني بوالله مجنب عنه مهما يكون
واصله لن قالها الله وطوّل فاجلي !!
المقاطي حصن وعتيبه اجبال وحصون
وخابر ان هذا محلي وانا بين اهلي
افخر بربعي واماري وهم يستاهلون
ثم باسم عتيبه اقول عنهم مايلي ..!
مرحبا حياكم الله تراحيب المزون
من هجوس فالمواقف تغيض وتمتلي
مرحبا ( والاد ملحم ) كفوو ويجملون
في محلٍ عامر ومجلسٍ ماله حلي
يستدير الكيف وام الشحم فوق الصحون
القعود مبركينه على جنب الطلي
من ورا كبار الهقاوي وسمحات الظنون
كل طيب طاب حظه مقامه معتلي
#فايز_سراحان
ليست هناك تعليقات:
إرسال تعليق