صباح الخير ياحيٍ تحت عوج الضلوع مقيم
سلام الله عليه ، ورحمةٍ منه ، وبركاته ....!!
اليا ذعذع براد الوسمي ولا وافق التقويم
سبقه بحايزٍ مايبخصونه غير كشّاته ؟
وراح القاع من نبت الخزامى كنه البرسيم
وكلٍ شب ضوه واتكى في جال مقهاته
عليگ الهاجس اللي له سنه واربع شهور محيم
ادرج ضيقتي بيني وبينه واشرب اسكاته
ياليت الله يجيبك مثل ماجاب المطر والغيم
تجي مثل الوسم وتسابق الخاطر وهقواته
خفوقي لك وطى وانت استبيحه ياشبيه الريم
وفكري لك سماء ماداج غيرگ في مداراته !!
ترفق بي ترا سيل المشاعر ماعقبها دِيم
عليگ امدور الزلات لا يكثر تلفاته ..!!
على عهد(الوفاء) لاتشطب الواو وتحط الجيم
اخاف يضيع فـ يديگ العمر ماتجمع شتاته
وعلى درب الغلا خليتني في كل واد اهيم
اغض الشوق عن وجه القصيد وعندك اثباته
ماهي صدة جفا لا والله الا شيمه وتكريم
وانا اللي ماشرب كاس الندم لو العمر فاته
#فايز_سراحان
ليست هناك تعليقات:
إرسال تعليق