يالمواقيف الكبيره للكبار انحسمي !!
بعد كلٍ ذب صوته والتقط مشعابه
الاسامي لابدا اللازم تزود وتسمي
مثل زود البن الاشقر في يدي صبابه
ماقفي وان قالها الله فيه اباخذ قسمي
في محل للوفاء والطيب فاتح بابه !!
ياهجوسي دون وجهي بالقصيد ارتسمي
في يدي سيفٍ تجمل سلته وانصابه
وان جمعتك ياصفوف الشعر لا تنقسمي
شاعرگ يبا حضورٍ طاغي ويزهابه !!
بالبيوت النادرات اللي علاها وسمي
بالنيابه عن ثبيت وعن عموم عتابه
حفلٍ اقاموه قطمان المحازم رسمي
جعلني فدوة مواقف ربعي الغصابه
العصيمي من قديم الوقت واسمه لاسمي
اقرب من الاصبع الابهام للسبابه !!
#فايز_سراحان
ليست هناك تعليقات:
إرسال تعليق