الشعر فن وفصل ياساده من فصول الكلام
والمعرفه لاشك ما بين الرجال مقسّمه
الفصل الاول للقصيد الفارق اللي مايسام
معه النفوس تعانق الابداع كنها ترسمه
اليا وقف راعيه فالمنبر يشد الاهتمام
حتى هذاگ اللي معاقبنا بخويه يزهمه
اليا تهيض بالنوادر ثم قالواا ياسلاااااااام
ما تسمع الا صح منطوقه عساني ماعدمه
والثاني اللي بالبلاغه شمر ذراعه وقام
كن الحروف الابجديه جايته مستسلمه !!
ودك اليا منه هرج ترخي له سموعك تمام
لانگ تبا تاخذ منه حكمه ودرسٍ تفهمه
ولثالث اللي بالكلام الفاضي يعكس النظام
ماوالله الشرهه عليه الا على اللي يعزمه !!
واللي مثل هذا اليا شفته عليه بالحرام
ان ودي استاذن من المجلس قبل يفتح فمه
وانا عــن الثاني والاول كن عيني ماتنام
والثالث الله لا يعاقبنا نسميه رخمه !!
٢~
الصمت خير من الكلام اللي يلحقك الملام
ومن لاظلم نفسه فلا ظن الرجال بتظلمه
الليله الحفله ماهي ماغير حفله والسلام
لا بالله الا بيرقٍ مرفوع ماطاح علمه
فهد وريث امجاد واسمٍ لا يذل ولايضام
امسجلٍ في صفحة التاريخ اسمه ب قلمه
ابن مليّح من رموز ثبيت ورجال السنام
يستاهل التشريف والتكريم والله مكرمه
اللي خدم ربعه وسمهم يستحق اعلى وسام
ايعز بنيان القبيله ماهو اللي يهدمه !!
هذا هو اللي يستحق من الرجال الاحترام
ولنا الشرف فالماقف الغصاب بانا نخدمه
احدٍ تبى تبقى فعوله شامخه ٢٠٠٠ عام
واحدٍ يبى يفنى وتفنى قولت الله يرحمه
الله يبارك لك في عمرك يامحمد والختام
صلوا على اشرف من وطى البيداء وناشتها قدمه
#فايز_سراحان
ليست هناك تعليقات:
إرسال تعليق