سجيت وانفكت السبحه من ايديني
ضاعت مثل عمري وشعري وخلاني
الراحلين اللي ابعدهم سكن فيني
واقربهم اللي قدر يبعد وينساني
من يقدر ايجيبهم ،، ولا يوديني !!
(اما على شانهم) (ولا على شاني)
اطيوفهم كل ليل تروووووووح وتجيني
بين السهارا تدورني وتلقاني !!
اغراب خلوا وطنهم في شراييني !!
كن الليالي على اطيبهم تحداني
اللي معه صبر مايبغاه يعطيني !!
تعبت وانا الحليم الساكت الحاني
عندي من الذكريات اللي مكفيني
محتاج للغايبين اكثر من احزاني
ماعاد انا اللي بيوت الشعر تغريني
لو الجماهير تكتبني وتقراني !!
احلام عمري ماغير تطيح من عيني
على مداهيلهم ،، واحد ورا الثاني
ولاصعب من الذكريات اللي تبكيني
الا سكوتي واساميهم على لساني !!
دمعه على احبابي ودمعه على سنيني
حتى العمر مثلهم مر وتعدااني !!
#فايز_سراحان
ليست هناك تعليقات:
إرسال تعليق