اليا دعاني ماقفي ماغبت لو عذري سمين
ابشر يابن ملحم بوقفة عز مافيها ونا
عزالله اني ماتوخر عنك مير الله يعين
لو الظروف اتجيني من هناك جيتك من هنا
قولوا لحامد ينتظرني والوفاء والطيب دين
ومن يجحد المعروف ياعتابه على نفسه جنا
عاقبني الدكتور الاقشر عند نقص الفيتامين
ايقول يلزمك الهدوء والراحه وقل العناء
قلت انت يادكتور لو انه معك قلب فطين
ماجبت طاري النقص لعتيبه وهو ماهو لنا
ابك احترم نفسك جعل تعمى عيون الشامتين
اليا دعاني ماقف العتبان وش عذري انا
مير اطلقوني من سرير الموت ذا ومجملين
والراحه اللي صدق تنفعني ماهي والله هنا
اطيب والقى راحتي بين الرجال الغانمين
اليا مدحت وجيه ربعي والفخر مني دنا
المحفل الليله مقاطي جعل راسه مايلين
اللابه اللي شاش راس المجد منهم مانحنىٰ
الاد ملحم يدحمون القوم بالجنب المتين
يشهد لهم فعل ٍ تسجل بالسيوف وبالقنا
يا مطلق بن هلال يالزيزوم يا ذرب اليمين
عز الله ان الهاجس اللي قام دونك مانثنى
وهلال بن عايز ابوك اللي كما الضلع الزبين
اللي مواقيفه كما حصنٍ مشيد بالبنا
شيخٍ من شيوخ الفخر والمجد والفعل الثمين
ابتنومس بك ولا لي عنك فالشده غنا
انت شعري وانا اشعري والفخرلي فالحالتين
بين الثبيتي والمقاطي ( جد ) ماكنه فنا
الله يبارك لك ياعبدالله وعسى ايامك سنين
وعسى حياتك ماتفارقها السعاده والهنا
وختامها صلوا على المبعوث خير المرسلين
عداد نوٍ حن رعاده وبراقه سنا
#فايز_سراحان
ليست هناك تعليقات:
إرسال تعليق