هاجسي عامين مانوخ ركابه
دون عدٍ صافياتٍ مشاريبه
شاعر ومطنوخ وامثّل عتابه
ممتلي راسي من العز والهيبه
مجدنا ياثبيت ماينقفل بابه
ضيفنا الدايم وحنا معازيبه
كل ضلعٍ بالمشوّك رقينابه
نحتميه ونتّكي في مراقيبه
الفخر يفخربنا لا فتخرنابه
يرفع اسم ثبيت فوق ويماريبه
كل مجدٍ عزنا الله وفزنابه
ياخوال المصطفى ومرجع عتيبه
خصمنا يوم المداحم غدينابه
وبين حجّانه كسرنا مشاعيبه
وفعلنا يشهد لنا لا عتزينابه
من طمع في حدنا حصل الخيبه
العدو ناطاه مانحسب حسابه
والرفيق نزيد جدره ونبنيبه
ضيفنا من عزنا يلبس ثيابه
يبشر بفعلٍ يكمل مواجيبه
مرحبا والطيب له نار شبابه
ودلة الرسلان بالكيف تغلي به
في محل مروحي جمل اصحابه
مرحبا مليون مليون ترحيبه
الرقابي سيفنا اللي غزينابه
عزوة الاد الشعاري تماريبه
ربعي اليا كشر الوقت بانيابه
في ذراهم يامن الورع والشيبه
#فايز_سراحان
ليست هناك تعليقات:
إرسال تعليق