البارح الفرقى لها طاري وانا منها جزوع
على عيونك ياعيون احلامي المتعثره
والونه اللي ماسمعتيها ورى حدب الضلوع
اظنها لو ناشت الضلع القصير تكسره
البارحه كنتي سحابة صمت ومزارق دموع
وانا حطام العود الازرق في جنوب المبخره
ياسيدة شعري عليك من الفراق اضمى واجوع
ومنك الخطأ عيت تجيني به يدين المغفره
ياليتها فرقى سنه ولا شهر ولا سبوع
ابتحملها واقول العفو عند المقدره
لكنه فراق على ماقيل مابعده رجوع
كما الفراق اللي يصف القوم عند المقبره
ليلة خميس اقفت وخلتني كما عصر الربوع
اخذت من العمر اكثره وابقت من الهم اكثره
#فايز_سراحان
ليست هناك تعليقات:
إرسال تعليق