على الله توكلنا وبسم الله الرحمن
نسوق الهجوس ونطلب الله فالخيره
على اللي يحالي لونها لاشقر الجنحان
تقود الزمل لا شرعوا في مظاهيره
على [ مهرةٍ ]عالي كعبها وبنت حصان
لها مربطٍ بين الحنايا مساميره
معرب نسبها فالحقيقه من الجدان
هذاك الطريق اللي طوالٍ مشاويره
لاقامت تهادا اتعوذ من الشيطان
عليها النظر لايلحِقِّني مخاسيره
كما بنت شيخٍ عاشقه شاعر بطران
اليا شافته قامت تلفت من الغيره
ما والله نويت ارمي علاها رسن وعنان
لكنها جموحٍ وفعلها بان تاثيره
لاجات الحميا كن فيها سطر وجنان
ماتقنع يالين الجمع تقسم طوابيره
لو اني ماوثق في يديه رسنها كان
خذت في بطون القوم لفه وتدويره
ولو ماتجود في ظهرها بعض لحيان
حذفت الرسن والثوب قطعت ازاريره
مع انها تنومسني اليا طبت الميدان
تقول ان نهار الحرب دقت مزاميره
لكني في تال الوقت جنبتها الريعان
بعد قلت عسوس القصيد ومداويره
وبعد نشبوا الرعيان في ملهي الرعيان
وانا لو اهز الغصن طارت عصافيره
ادور لها مجناب عني قدر لمكان
بعد جنب النقاد عنهم تقاريره
لكن وش يعذرني من ثبيت مهما كان
وبيت الشعر هذا وهذي محاضيره
اثبيت الفخر والمجد و المحزم المليان
ومن لا وقف في صفهم لاكثر خيره
هل السيل اهل مجدٍ تليد وفعول سمان
عوارف ثبيت اهل الشداد ومشاهيره
عسى الله يرحم مطلق الشعر والقيفان
تعبنا [ لفقده ] واتعبتنا جماهيره
لكن ماتموت ثبيت باذن الله الرحمن
اليا راح مطلق عندنا مطلقٍ غيره
#فايز_سراحان
ليست هناك تعليقات:
إرسال تعليق