قصيدة حفل الشرطه
الوفاء دافع غريزي لتعزيز الثقه
عملةٍ صعبه ماهي دارجه في كل سوق
والكفو من طيب راسه اليا الله وفقه
مسألة تكريمه ابسط مايعطى من حقوق
واحد ٍ فعله في بحر المفاخر مغرقه
المدايح بنت شيخٍ لها صار معشوق
والردي لاصار مغسول وجهه بمرقه
ماتلد العين فيه ولمثله ماتلووق
والحصيني فارس انااشهد انها تعشقه
المدايح فيه لبست من الامجاد طوق
ضابطٍ حقق طموحه بـ كده وعرقه
في نهار فيه تظهر فالافعال الفروق
السجين اللي بحبل العداله وثقه
حاله من المجد لا صار للامجاد سوق
شرطة النزهه لها شمس دايم مشرقه
بارگ الله في جهودٍ مايلحقها لحوق
واحمد الزهراني الله بالاخلاق رزقه
يستحق الشكر والامن لامثاله شفوق
خدمته ثروه والانجاز فيها حققه
من شفاها حوّل فغيمها مثل البروق
طهر من اعصابة الخبث كل المنطقه
لين بفعوله رقى المجد والمركاز فوق
تحت ادارة من زهت في يمينه بندقه
العميد محمد الشهري الشهم الخلوق
والحقيقه راعي الاوله من يلحقه ؟
الوطن بامثالكم يفخر وراسه يروق
درعنا في وجه الارهاب واهل التفرقه
زمرةٍ لبست ثيابٍ تغشْاها الفتوق
من طمع منهم مصيره لحبل المشنقه
لين حتى كل راعي غوا مثله يفوق
لا امست ركبه من الراعه الها طقطقه
واثلموه ارجال الامن ومجودة السبوق
تحت راية من حماها بفية مطرقه
لين صارت باذن ربي مخايلها حقوق
المليك اللي لشعبه يمينه مطلقه
كاسب التقدير والحب من كل مْخلوق
فايز بن سراحان الثبيتي
ليست هناك تعليقات:
إرسال تعليق