حفل العميد مطلق المقاطي

هاجوس شعري   للفخر  متعاطي   

مدمن ولا هي وحده  من  اغلاطي

اليا  نخيته    في     لزوم   عتيبه 

جاني على الطاري ماهو متباطي

المجد  له شيخ    يسمى     مطلق

سيف على الكرمه عزوم  وساطي

ابن  هلال   اللي  مقامه   واسمه

مثل البحر  يدحم  جنوب الشاطي

اليا  بدا  في   كل    ريع   يجمل

يرقى ماهو   راع  المحل   الواطي

شاعر   وامثل  فكرتي   باسلوبي

رغماً   على    تفاؤلي   واحباطي

ولا   الشعر  تدورن   منهم   ربعه  

جده   وابوه   وجد   ابوه   مقاطي

فايز سراحان الثبيتي

حفل الزود

غن ياصافي جزيل  القصايد

الشعر   للمجد   مثل  الحزام

في هل الفعل لاجات الشدايد

من نزل في  طرفهم  مايضام 

ماعلى  الزايدي  فالمجد  زايد

درعنا   كل   ماشتد   الزحام 

صفهم     ماغشته     النقايد  

لاغدا    فالصفوف    انقسام  

يامدورة      الثلاث     الفرايد 

الثلاث  اللي   عليها    الكلام

الوفاء  والطيب    والاد   زايد

كلها      تلقونها      فالسنام

طيب  راس   وسلوم    وعوايد

وعز  ساس   وفعول     ومقام

من   عتيبه    كاسبين  الفوايد   

مير  في حرب ولا   في سلام

لاغدا   الوقت    عنهم  محايد  

ملحمين     القِناء     فالعظام

ولا غدا الطيب   فالوقت  كايد

أكرموا     مالحقهم      ملام 

فايز سراحان الثبيتي

الجحود

قل للوفا ياخذگ من عين الجحود !!

وعلى ضماگ من السحاب يصبني

لاتطري  الفرقاء  عساها  ماتعووود

غمض  علي سود  العيون   وخبني

لا يلحق احساسي من الصده برود

ماجيت  يمگ   غير   اباگ  تشبني

لو تدري اني في هواگ ارقى سنود

والله  ما  يطري     عليگ    اتكبني

انا  اعتبرتگ  كل   حاجه   فالوجود

اكذب وقول انگ  لازلت  تحبني !!.

.

.

#فايز_سراحان 

المعذره

المعذره  ياصحابنا  وساع  الصدور

دله   من   الرسلان   جيت  اصبها

في حقكم   مخطي   ولاني  بمعذور

وبعض الجروح   الكيه   اخر  طبها  

ماني بشيطان اخرس ولاشهّاد زور

اسمع  خطأ    الجهال  ثم    اكبها

واللي  على  الطالات   دمه  مايفور

يقصر  قدم   رجله    لاعاد   يطبها

عز  الله ان   صدررنا  مثل   القبور

انشوم عن  مدح  الضعوف  وسبها   

نسكت  اليا  شفنا  لها  سكة  عبور

لكن    ماتاخذنا    الرجال  فـ عبها 

بكره اليا من السماء   قامت   تمور

كلٍ معه   ذمه   يبا   يحاسب   بها

وانا على  ديني  ياخلق  الله   غيور

محمد    احفظ    سيرته     واحبها

يكرم رسول الله عن قصار   الشبور 

اللي  مناقب   سيرته     تلعب  بها 

بعض الكلام اقشر وينشب فالنحور

وراعيه     مايرتاح    لين     يشبها 

مير اعذروني  لو حصل مني قصور

ما   يحاسب   عباد  الله  الا   ربها 

محبكم /. فايز سراحان الثبيتي

كسرني

كسرني فراق اللي عسى الله  يبيح  خطاه

بعد ما  تنحى   كل   حيٍ   ورا   زمله !!!

غدا الشوق له بحسوف قلبي وجاب اقصاه 

لو لا  الله  ثم  بـالصبر  قمت   اتحيزم   له

عزيز ٍ على   هجره   شفوقٍ    على   لاماه 

اصد  وقدم  رجلي  من  الشوق    تعزم له

ياليته  قطع   معلوق  قلبي   بدون   رضاه

لكن البلا  يوم  انه   يقطع   وانا   الزم  له

#فايز_سراحان 

الهبوب البارده

خذي  كل  الهدوء اللي  جمعته من سكون الريح

لو ان   العاصفه   مرت  علي  مانكست   راسي  

تعدت  واقفت بـ  نص  العمر لكن  عجزت  اطيح

واخاف اعيد   نفس  التجربه   واطيح   متواسي  

يا نسمه عابره  عيت  تغادر  والسحاب   شحيح  

تخطت    كبريائي    كلبوه    و قلبي    القاسي 

على  وضح  النقاء  قمتي  تهبين   وغلاك  يسيح

تعرضت لهواگ وصرتي  اقرب  لي  من انفاسي

وانااللي ضاق صدري بالخزامى والنفل والشيح 

ماحسب ان (الهبوب البارده) تستوطن احساسي

#فايز_سراحان 

البيرق قثامي

غن يالهاجوس جاگ الشعر  ضامي

وختلط    بالعود     ريح     الشاذليه

ناد بأعلى الصوت  فالصف الامامي

مرحبا     ترحيبةٍ      ماهي      ونيه 

مرحبا   في   حلة   كبار   الاسامي

عسكر   البارود    حربة    كل    هيه         

من  قديم  الوقت     والبيرق   قثامي

في   شداد   المجد    والدنيا   مطيه

لا يهان   /  ولا يدان  /   ولا يضامي

من    سقوه   بكفهم    شربه    هنيه   

ومن  يعارضهم   لو  انه  ضلع زامي   

راح   فيداهم    كما    قلعة     طميه    

ماخذوها   رميةٍ     من   غير   رامي 

طيب  راس   وعز   ساس   ونار حيه

بسم  ناشي  راعي المجد  العصامي

من   مواكير      الحرار    الصيرميه 

اثني  الترحيب  واحلف  من  حزامي         

مايشوش   الراس  غير   من  الحميه 

غن  يالهاجوس   دم  الراس   حامي

 مابقى   فالارض   تحتگ     جاذبيه 

#فايز_سراحان 

حية الشرق

الله  اكبر  ولا  غير  الله النا   معين

لا التقى الملح  بالبارود   ثم اشتعل

عزمنا  دون  سطوة  حزمنا  مايلين

لن رضي  آية  الشيطان   ولا  زعل

الله اللي  مسلطنا   على  الضالمين

وقدرالله على الحوثي وما  شاء فعل

يالله انگ  لاتجعلنا   من  الشامتين 

لاغدا  قلبه   من   العاصفه   يرتعل     

اعتمدها حكيم  الراي  طلق  اليمين

واحتزم   دونها  بالفعل  حتى جعل

حية الشرق  تدفن  راسها  فالبطين

عودت عن  هقاويها ( بليت - ولعل )

دامها  بالمكر  والخبث ، والله  يمين

ماتمشي    علينا   فلمها    المفتعل

طولها   فاللسان  وقصرها فاليدين

تعترض  للسباع  وتندرق    فالثعل

والله انا   جبال  الحق   دنيا  ودين

ننطح المجد  ونكسر  قرون    الوعل

دارنا    قبلة    الاسلام   والمسلمين

عقب  اللي  على   هداتنا   مانفعل

فايز سراحان الثبيتي

الخاصره

الروح  لامست   بالهموم   محاصره

توجهت     يم     الكريم      وناجته

واللي خدعني    باليمين   القاصره

ياجعلني  ماصبح  وانا في  حاجته

ايمد لي  بالكذب   كلللل    اواصره

في  مجلسٍ   ما مل   من   هراجته 

اوقف    معه     وأيده      واناصره

وكلمة  كفو  لووو  سقتها له  ما جته

لي  قلب  صاحي له  وعينٍ  باصره

لكنها         غشتني        بعواجته 

ضربة  صديق وجاتني  فالخاصره  

دربٍ    خطايه    ياكثر   ما  داجته 

تاريخ    يكتب   والرجال  اتعاصره 

هداج ما   ضره    سوى   هداجته

#فايز_سراحان   

دلة الرسلان

المعذره  ياصحابنا  وساع  الصدور

دله   من   الرسلان   جيت  اصبها

في حقكم   مخطي   ولاني  بمعذور

وبعض الجروح   الكيه   اخر  طبها  

ماني بشيطان اخرس ولاشهّاد زور

اسمع  خطأ    الجهال  ثم    اكبها

واللي  على  الطالات   دمه  مايفور

يقصر  قدم   رجله    لاعاد   يطبها

عز  الله ان   صدررنا  مثل   القبور

انشوم عن  مدح  الضعوف  وسبها   

نسكت  اليا  شفنا  لها  سكة  عبور

لكن    ماتاخذنا    الرجال  فـ عبها 

بكره اليا من السماء   قامت   تمور

كلٍ معه   ذمه   يبا   يحاسب   بها

وانا على  ديني  ياخلق  الله   غيور

محمد    احفظ    سيرته     واحبها

يكرم رسول الله عن قصار   الشبور 

اللي  مناقب   سيرته     تلعب  بها 

بعض الكلام اقشر وينشب فالنحور

وراعيه     مايرتاح    لين     يشبها 

مير اعذروني  لو حصل مني قصور

ما   يحاسب   عباد  الله  الا   ربها 

محبكم /. فايز سراحان الثبيتي

- مهرة غرام

(( مهرة غرام ))  

اسف  حبيبي  ماقصدت   احراجك

انا  كذا    ماكل    شيء   يعجبني

لاتضيع في  بحر الضنون  امواجك

وتقعد   على شاني    تهد    وتبني 

روووح  فمان  الله   ماعاد  احتاجك

لا    تتعب    عيونك     ولا   تتعبني

خذ  مابقى مني  وعوووود  ادراجك

وعلى  رماد    الذكريات    اسكبني    

بكره   اليا   مر    العمر   فاوداجك    

حاول من اقصى الذاكره  تشطبني  

لاشعلت  في   ليل  الغرام  سراجك

وقام    الحنين    فداخلك    يطلبني        

لا تقعد     اتدوّر   علي    فادراجك 

وعلى   قصاصات   الورق  تكتبني

وان ضاق  صدرك  مالقيت  علاجگ 

سو  أي   شيء   الا  انك  تعاتبني

سولف   لهم   عني   وفل   حجاجك

واجمعني    من   ايداهم    ورتبني

حتى   قصيدي    مثّله     باخراجك 

وغنه   لو  انك   تكسره     واطربني 

هيا امسح  ادموعگ   وعدل   تاجگ

ولوح      بكفك   بس    لا  تقضبني

سجين   حبگ    واكرمه    بافراجگ 

انا     ضميري      قاعد     يأنبني 

لغز وعجزت  اقدر  على  استنتاجك    

لو  قلت   احبگ   تقدر    تكذبني ! 

(مهرة غرام )  احلامي من  انتاجگ 

اتجاذب      العشاق      وتجاذبني  

وانا اوعدگ  لامشي على  منهاجك 

واكسر  عيون   الشوق    ماتغلبني 

رغم اني احياناً  سبب في  ازعاجك  

لا تعتبرني    غير     ذنب     وتُبني

.

.

   

#فايز_سراحان