قصيدتي في حفل الافطار الذي اقامه الشيخ عارف بن عادل الثبيتي لاستقبال مشائخ البقوم الشيخ فيصل الغرمول والشيخ بن غنام ومشايخ الشيابين العروم
/
مرحبا حسب السواير ومدات السلوم
مذهب اهل الطيب يبقى وتبقى ملته
مرحبا في حلة ثبيت وعتابه عموم
للوفاء سيفٍ نصابه يجمل سلته
مرحبا ترحيبة العز والمجد مخدوم
كل ضيفٍ فك صدره لها واحتلته
كنها مهرة عقيدٍ على ساق الخصوم
كل مايرخي رسنها عليها تلته
وكنها برقٍ تشقر على روس الرجوم
مزنته صبت على القاع حتى بلته
قدمها للعود الازرق مثل حِق الغيوم
وعقبها للكيف الاشقر تهادا دلته
والله انا نعتبرها مثل حب الخشوم
والكرم تفنى عتيبه وهي ماخلته
بارك الله في شيوخ الشيابين العروم
كل شيخٍ عز لابه عليها ولته
يوم جونا بالمشاكيل سمحين القدوم
والفخر هذي رجاله وهذي غلّته
الوفا خطوه عزيزه من شيوخ البقوم
يوم مرت بيت ابو عادل ولا زلته
فيصل الغرمول راعي شداد وراس قوم
ذكره يمر المجالس وهي ما ملته
سجلت صفحات الامجاد تاريخ القروم
راعي الطيب اعتلت به والاخر ذلته
قسم ابن غنام فيها من خيار القسوم
عقب اللي كان زوده سبب في قلته
شرفونا بالزياره وعن زود العلوم
ماحسبناها وراع الوفا ماسلته
الوعود عقالها يا وجيه الخير يوم
لاتروح مثل عفر الجمال مفلته
الحجيج اللي تبارا على باب القدوم
لايزل الفرض عنها وهي ما صلته
للبقى شيخ من عتيبه ايسد اللزوم
عارف اللي طيب راسه ينومس حلته
فايز سراحان الثبيتي
